Mánudagur 09.desember 2019
Pressan

Nýr verndarengill við hlið Trump – Paula White er nýr trúarráðgjafi hans og líkir honum við guð

Kristján Kristjánsson
Miðvikudaginn 13. nóvember 2019 07:00

White og Trump.

Ekki missa af Helstu tíðindum dagsins í pósthólfið þitt

Lesa nánar

„Ég er hinn útvaldi.“ Þetta sagði Donald Trump á fréttamannafundi síðasta sumar og leit til himins. „Einhver varð að gera þetta svo ég tekst á við Kína. Ég tekst á við Kína á viðskiptasviðinu.“ Sagði forsetinn einnig.

Hugsanlega hafa æðri máttarvöld heyrt yfirlýsingu Trump því nú hefur hann ráðið sérstakan trúarráðgjafa til starfa í Hvíta húsinu. Það er Paula White sem virðist hafa mikla trú á forsetanum því hún líkir honum við sjálfan guð. Trúarráðgjafinn á að veita trúarhópum tækifæri til að hafa meiri áhrif á ýmis mál, til dæmis hvað varðar að verja trúfrelsi eða í baráttunni gegn fátækt.

White er sjónvarpspredikari og rithöfundur sem lítur á það sem mikilvægasta hlutverk sitt í lífinu að koma Trump á stall með guði.

„Hann er ekki fágaður stjórnmálamaður. Með öðrum orðum: Hann er ósvikinn – óháð því hvort fólki líka það eða ekki – þá er hann alinn upp af guði. Ef þú berst á móti fyrirætlunum guðs ertu á móti hönd guðs. Ef þú ert á móti Trump ertu á móti guði.“

Sagði hún í viðtali fyrir tveimur árum. Þetta skjall fór ekki framhjá Trump sem þykir mjög hégómalegur og leiðist ekki að vera hampað. Það var hann sjálfur sem gekk frá ráðningu White en starfið er ólaunað.

Hún þarf svo sem ekki á peningunum að halda því hún hefur efnast vel á bóksölu og fyrirlestum um kristna trú. Hún predikar út frá sérstökum sjónarhóli eða stefnu í kristinni trú, prosperity theology, sem gengur út á að tengsl séu á milli auðs fólks og blessunar guðs. Þeir sem ekki eru ríkir og hafi ekki fengið blessun guðs þurfi aðeins að trúa á hann og biðja til hans og þá muni guð færa þeim velmegun.

Margir telja að ráðning White í starfið sé leikur af hálfu Trump til að reyna að tryggja sér stuðning kristinna kjósenda en þeir eru oft sagðir hinir trúföstu kjósendur hans. En í söfnuði White er mikið af fólki af afrískum og suður-amerískum uppruna og það er mjög ósátt við að White hafi nú gengið til liðs við forseta sem er ekki mikið fyrir að tala máli þessara minnihlutahópa. Mörg hundruð manns eru nú þegar sagðir hafa sagt skilið við söfnuð hennar í Flórída.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

„Við stöndum frammi fyrir baráttu upp á líf eða dauða“

„Við stöndum frammi fyrir baráttu upp á líf eða dauða“
Pressan
Fyrir 2 dögum

SAS íhugar að stofna nýtt flugfélag

SAS íhugar að stofna nýtt flugfélag
Pressan
Fyrir 3 dögum

142.000 manns létust úr mislingum 2018

142.000 manns létust úr mislingum 2018
Pressan
Fyrir 3 dögum

Kveikt í konu sem var á leið í dómssal að bera vitni í nauðgunarmáli

Kveikt í konu sem var á leið í dómssal að bera vitni í nauðgunarmáli
Pressan
Fyrir 4 dögum

Laug á starfsumsókn – í gær fékk hún þungan dóm

Laug á starfsumsókn – í gær fékk hún þungan dóm
Pressan
Fyrir 4 dögum

Milljarðamæringur dó á dularfullan hátt

Milljarðamæringur dó á dularfullan hátt
Pressan
Fyrir 4 dögum

Þungar ásakanir í garð H&M – „Þetta er eins og sértrúarsöfnuður“

Þungar ásakanir í garð H&M – „Þetta er eins og sértrúarsöfnuður“
Pressan
Fyrir 4 dögum

Konur útskýra af hverju þær vilja frekar nota titrara en stunda kynlíf með körlum

Konur útskýra af hverju þær vilja frekar nota titrara en stunda kynlíf með körlum