Fimmtudagur 23.janúar 2020
Pressan

Er búið að setja Jóakim Danaprins út í kuldann?

Kristján Kristjánsson
Mánudaginn 7. október 2019 07:59

Ekki missa af Helstu tíðindum dagsins í pósthólfið þitt

Lesa nánar

Á þriðjudag í síðustu viku var ákveðið á hefðbundnum fundi Margrétar II Danadrottingar með forsætisráðherra Danmerkur, sem nú er Mette Frederiksen, að Mary, krónprinsessa, skyldi útnefnd sem ríkisstjóri. Í því felst að hún getur nú verið staðgengill Margrétar II þegar hún getur ekki sinnt starfi sínu sem þjóðhöfðingi vegna fjarveru eða veikinda.

Mary er áströlsk og er gift Friðrik krónprins. Það þykja nokkur tíðindi í Danmörku að hún hafi nú fengið þetta hlutverk því fyrir voru það aðeins Jóakim prins, sonur Margrétar II og þar af leiðandi bróðir Friðriks, og Benedikte prinsessa, systir Margrétar, sem höfðu þennan titil. Friðrik krónprins hefur ekki þennan titil því sem krónprins og þar með erfingi krúnunnar fær hann titilinn þjóðhöfðingi þegar móðir hans getur ekki sinnt starfsskyldum sínum heima við.

Ýmsir sérfræðingar í málefnum dönsku konungsfjölskyldunnar telja að með þessu hafi staða Mary innan fjölskyldunnar verið gulltryggð og um leið hafi Jóakim verið ýtt langt til hliðar. Hann býr nú í París þar sem hann stundar nám við franskan herskóla.

Er Margrét Þórhildur búin að ýta Jóakim út í kuldann?

Jóakim virðist hafa átt á brattanna að sækja undanfarin misseri, bæði innan konungsfjölskyldunnar og opinberlega. Almennt er almenningur ekki eins hrifinn af honum og krónprinsinum. Jóakim þykir yfirmáta snobbaður og úr tengslum við almenning. Krónprinsinn þykir hins vegar mjög alþýðlegur og viðkunnanlegur og kippir sér ekki upp við að fólk gleymi að þéra hann en slíku tekur Jóakim mjög illa.

Einnig hefur verið bent á að með þessu nýja hlutverki sínu sé búið að staðfesta að Mary passi vel í hlutverk drottningar þegar Margrét II fellur frá eða afsalar sér krúnunni.

Þetta er aðeins í annað sinn sem ríkisstjóra titillinn fellur í hlut manneskju sem ekki er af dönskum konungsættum. Á undan Mary var það Ingiríður, móðir Margrétar II, sem fékk þennan titil. Hún var hins vegar af sænskum konungsættum. Hún var útnefnd ríkisstjóri eftir að faðir Margrétar lést því hún fór nánast aldrei úr landi og átti því auðvelt með að sinna hlutverkinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Borgaði fyrir brúðkaup dóttur sinnar – Síðan gerðist það sem dóttirin taldi óhugsandi

Borgaði fyrir brúðkaup dóttur sinnar – Síðan gerðist það sem dóttirin taldi óhugsandi
Pressan
Í gær

Ný rannsókn – Köttinn þinn langar að éta þig

Ný rannsókn – Köttinn þinn langar að éta þig
Pressan
Í gær

Ástralski ferðamannaiðnaðurinn fær milljónahjálp í kjölfar gróðureldanna

Ástralski ferðamannaiðnaðurinn fær milljónahjálp í kjölfar gróðureldanna
Pressan
Í gær

Gleymdu 37 gráðunum – Eðlilegur líkamshiti er lægri

Gleymdu 37 gráðunum – Eðlilegur líkamshiti er lægri
Pressan
Fyrir 2 dögum

Hinn ógnvekjandi sannleikur um það hvernig sykur spillir nætursvefninum

Hinn ógnvekjandi sannleikur um það hvernig sykur spillir nætursvefninum
Pressan
Fyrir 2 dögum

Keypti notaðan sófa: Það var góð ástæða fyrir því að hann var svona harður

Keypti notaðan sófa: Það var góð ástæða fyrir því að hann var svona harður
Pressan
Fyrir 3 dögum

Rammvilltur ökumaður – Ók marga kílómetra eftir gönguskíðabraut

Rammvilltur ökumaður – Ók marga kílómetra eftir gönguskíðabraut
Fyrir 3 dögum

Laxveiðin næsta sumar eitt stórt spurningamerki

Laxveiðin næsta sumar eitt stórt spurningamerki