VG skýrir frá þessu. Eins og kunnugt er hvarf Anne-Elisabeth frá heimili sínu í útjaðri Osló á dularfullan hátt og hefur ekkert til hennar spurst síðan. Lausnargjalds var krafist fyrir hana en lítið sem ekkert samband hefur verið á milli fjölskyldu Anne-Elisabeth og meintra mannræningja.
VG segir að niðurstaða lögreglunnar byggi á ítarlegum vettvangsrannsóknum á heimili Hagen-hjónanna strax eftir að tilkynnt var um hvarf Anne-Elisabeth. Ummerki fundust um að hún hefði verið dregin eftir baðherbergisgólfinu. Samkvæmt upplýsingum VG er baðherbergið talið vera einn mikilvægasti hluti vettvangsins á heimilinu og að þar hafi verið ráðist á Anne-Elisabeth.
Í húsinu fundust einnig skóför og reynir lögreglan að komast að hver á þá skó sem um ræðir.
Tommy Brøske, sem stýrir rannsókninni, segir að ekki sé hægt að útiloka að Anne-Elisabeth hafi verið myrt heima hjá sér.