fbpx
Laugardagur 26.september 2020
Pressan

Enn ein kenningin um hvarf flugs MH370 – Varpar hún ljósi á hrap flugvélarinnar eða flækir hún málið enn frekar?

Kristján Kristjánsson
Þriðjudaginn 16. júlí 2019 07:00

Vél frá Malaysia Airlines.

Ekki missa af Helstu tíðindum dagsins í pósthólfið þitt

Lesa nánar

Margar kenningar hafa verið á lofti um örlög flugs MH370 sem hvarf á leið frá Kuala Lumpur í Malasíu til Peking í Kína þann 8. mars 2014. Allir um borð, 239, eru taldir hafa látist þegar flugvélin hrapaði í Indlandshaf, að því að talið er.

Nú hefur hópur franskra sérfræðinga sent frá sér niðurstöður rannsóknar þeirra á örlögum vélarinnar. Frakkarnir komust að þeirri niðurstöðu að flugstjóri vélarinnar, hinn 53 ára Zaharie Ahmad Shah, hafi af ásetningi flogið vélinni beint niður í Indlandshaf. Áður hefur komið fram að Shah hafi glímt við þunglyndi. News.com.au skýrir frá þessu. Niðurstaðan er byggð á rannsóknum á miklu magni gagna, þar á með gagna sem vélin, sem var af gerðinni Boeing 777, sendi frá sér eftir að hún hóf sig á loft frá Kuala Lumpur.

Heimildamaður segir að ákveðnar undarlegar aðgerðir við stjórn vélarinnar hafi aðeins verið hægt að gera handvirkt úr flugstjórnarklefanum. Ekkert bendi til að einhver hafi brotið sér leið inn í flugstjórnarklefann.

Í júlí á síðasta birti annar sérfræðingahópur 495 blaðsíðna skýrslu þar sem komist var að þeirri niðurstöðu að einhver hefði á meðvitaðan hátt átt við stjórnkerfi vélarinnar en ekki var bent á neinn einstakan í því sambandi.

Nýlega kom síðan enn ein kenningin fram um að laumufarþegi hefði rænt vélinni og látið hana hrapa í hafið. Einnig hafa verið settar fram kenningar um að vélin hafi verið skotin niður eða að henni hafi verið flogið á leynilegan stað því um borð hafi verið leynilegt efni, en það hefur þó ekki verið skýrt nánar hvaða leynilega efni það á að vera.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Nýjasta útspil Trump vekur áhyggjur af lýðræðinu í Bandaríkjunum

Nýjasta útspil Trump vekur áhyggjur af lýðræðinu í Bandaríkjunum
Pressan
Fyrir 2 dögum

Verðum við kynslóðin sem setti New York á kaf?

Verðum við kynslóðin sem setti New York á kaf?
Pressan
Fyrir 2 dögum

Cindy McCain styður Joe Biden – „Við erum Repúblikanar en fyrst og fremst Bandaríkjamenn“

Cindy McCain styður Joe Biden – „Við erum Repúblikanar en fyrst og fremst Bandaríkjamenn“
Pressan
Fyrir 2 dögum

Þeir sem smitast af kórónuveirunni og flensunni verða í „alvarlegum vanda“

Þeir sem smitast af kórónuveirunni og flensunni verða í „alvarlegum vanda“