Á síðasta ári tóku 27 líf sitt með þessum hætti og 8 til viðbótar reyndu þar. 2013 tóku 23 líf sitt með þessum hætti og 2 til viðbótar reyndu þar. Þrátt fyrir að þetta virðist ekki vera margir þá er rétt að hafa í huga að á sama tíma hefur sjálfsvígum og sjálfsvígstilraunum í heild fækkað í Danmörku.
Tölur frá síðasta ári liggja ekki enn fyrir en frá 2013 til 2017 fækkaði sjálfsvígum og sjálfsvígstilraunum um 718 en það svarar til 28 prósent fækkunnar.
Í umfjöllun TV2 um málið kemur fram að hjá DSB viti fólk ekki hvað veldur þessari aukningu. Aukningin hafi ekki farið framhjá fólki þar á bæ en engin ástæða hafi fundist fyrir þessari aukningu.
„Þessi sjálfsvíg eru auðvitað hörmuleg fyrir þá sem í hlut eiga og ættingja þeirra en þetta snertir einnig starfsfólk okkar og farþega.“
Sagði talsmaður DSB.
Hjá öðrum dönskum járnbrautafélögum er sagan sú sama, sjálfsvígum og sjálfsvígstilraunum hefur fjölgað á undanförnum árum. Tölur fyrir síðasta ár liggja þó enn ekki fyrir.
Hvað varðar allt lestarkerfi landsins þá fjölgaði sjálfsvígum og sjálfsvígstilraunum um 29 prósent frá 2013 til 2017.
