Þetta hljóta eiginlega að vera tíðindi sem margir hafa beðið eftir enda nagar samviskubit marga þessa dagana eftir góðan og mikinn jólamat og tilhugsunin um að þurfa að fara að stunda líkamsrækt af krafti eftir áramót er eitthvað sem marga hryllir við. En nú virðist frábær lausn vera fundin á þessu og felst hún í að fólk nægi að hugsa um líkamsrækt og geti þannig náð sama árangri og með því að stunda líkamsrækt.

Vísindamenn við Ohio háskóla birtu niðurstöður rannsóknarinnar í tímaritinu Journal of Neurophysiology en þeir hafa komist að því að það eitt að hugsa um líkamsrækt getur haft sömu áhrif á líkamann og að stunda líkamsrækt. Þeir segja að bara það að hugsa um líkamsrækt geti mótað vöðva, hægt á hrörnun líkamans og jafnvel styrkt vöðva.

Vísindamennirnir hafa gert tilraun á tveimur hópum heilbrigðra einstaklinga. Gifs var sett um úlnliði þátttakenda í öðrum hópnum og þeim gefin fyrirmæli um að sitja kyrrir í 11 mínútur, fimm daga í viku í fjórar vikur og ímynda sér miklar vöðvakreppur eða líkamsæfingar. Þátttakendur í hinum hópnum fengu engar leiðbeiningar.

Niðurstöður tilraunarinnar eru þær að hugur og líkami eru nátengdari en talið hefur verið. Eftir fjórar vikur voru þeir sem stunduðu „hugar líkamsrækt“ tvisvar sinnum sterkari en þeir sem ekki stunduðu „hugar líkamsrækt.“ En ekki nóg með það því heilar „hugar líkamsræktar“ fólksins voru einnig öflugri því hugar æfingarnar styrktu taugaboð hans.