Þegar þetta er skrifað hafa repúblikanar fengið 193 þingsæti. Repúblikanar halda hins vegar meirihluta sínum í öldungadeildinni og hafa 51 af 100 þingsætum þar.
Þess var vænst að demókratar myndu ná meirihluta í fulltrúadeildinni og það gekk eftir. Sigurinn getur reynst Donald Trump, forseta, erfiður því lagafrumvörp þurfa að hljóta samþykki í báðum deildum þingsins. Auk þess taka demókratar nú við formennsku í öllum þingnefndum fulltrúadeildarinnar. Því hefur verið spáð að þeir muni nú láta sverfa til stáls gegn Trump og setja aukinn kraft í ýmsar rannsóknir er snúa að meintum tengslum kosningaframboðs Trump við Rússa. Einnig er talið að þeir muni nú kalla eftir birtingu skattaskýrsla Trump en hann hefur ekki viljað opinbera þær til þessa.