Á tíunda tímanum í gærkvöldi var ökumaður bifhjóls sviptur ökuréttindum á staðnum eftir að bifhjól, sem hann ók, mældist á 141 km/klst á Miklubraut við Kringluna en þar er leyfður hámarkshraði 60 km/klst. Hann á einnig von á dágóðri sekt.

Um klukkan hálf tvö í nótt var tilkynnt um líkamsárás í austurhluta borgarinnar. Gerandinn var farinn af vettvangi þegar lögreglan kom en vitað er hver hann er. Þolandinn hlaut minniháttar áverka.

Einn ökumaður var handtekinn í nótt, grunaður um ölvun við akstur.

Þrír ökumenn voru handteknir í nótt, grunaðir um að vera undir áhrifum fíkniefna. Tveir þeirra reyndust ekki hafa öðlast ökuréttindi. Fíkniefnapróf á lögreglustöð sýndi að þriðji ökumaðurinn hefði neytt fimm tegunda af fíkniefnum.