Mazda á Íslandi heldur frumsýningu á fyrsta tengiltvinnjeppanum frá Mazda, stórglæsilegum CX-60 PHEV, í sýningarsal Mazda á Íslandi í Brimborg Reykjavík laugardaginn 24. september frá kl. 12-16.
Mazda CX-60 PHEV hefur nú þegar vakið gríðarlega mikla athygli enda hágæða jeppi hlaðinn staðalbúnaði með stórskemmtilegar nýjungar eins og andlitsauðkenningu og gegnsæa myndavélastillingu.
Helstu sérfræðingar Mazda á Íslandi verða á staðnum til að kynna frábæra eiginleika bílsins fyrir frumsýningargestum.
Nýr Mazda CX-60 PHEV er fjórhjóladrifinn, skemmtilega kraftmikill 327 hestafla tengiltvinnrafbíll með allt 63 km drægni samkvæmt WLTP. Bíllinn er hágæða japönsk tækni og hönnun frá Mazda með 2.500 kg dráttargetu, 8 þrepa sjálfskiptingu, ríkulegum staðalbúnaði og stútfullur af nýrri tækni þar sem áhersla er á þægindi fyrir ökumanninn.
Mazda CX-60 tengiltvinnrafbíll er með 5 ára víðtækri ábyrgð og 8 ára ábyrgð á drifrafhlöðu og kostar frá 8.190.000 kr.