Hekla leggur af stað í ferð um landið og býður landsbyggðaríbúum upp á heimsendingu í reynsluakstri.
Mánudaginn 6. júní leggur Hekla af stað í nýstárlega sumarferð um landið og mun á fimm dögum stoppa í þrettán bæjum umhverfis landið til að sýna vistvæna fararskjóta og bjóða fólki upp á reynsluakstur. Sumarferðin endar svo aftur á Laugaveginum hjá Heklu þar sem slegið verður upp sumarhátíð með pompi og prakt laugardaginn 12. júní.
Fjórir rafmagnsbílar og einn tengiltvinnbíll verða með í för en það verða Audi e-tron 55, Volkswagen ID.3 og ID.4 og Skoda Enyaq en á þeim öllum er hámarksdrægni yfir 400 kílómetrar. Svo er það tengiltvinnbíllinn Mitsubishi Eclipse Cross PHEV.
Á meðan ekið verður um landið verður hægt að panta reynsluakstur á heimasíðu Heklu og þá stoppar lestin í hlaðinu heima og þér býðst að prófa uppáhaldsbílinn þinn!
„Um er að ræða afar spennandi tilraunarverkefni“, segir Hjördís María Ólafsdóttir vörumerkjastjóri hjá Heklu. „Við stoppum í þrettán bæjum en á leiðinni ætlum við að prófa nýjung. Fólki sem býr við þjóðveginn þar sem við förum um eða í nálægð áfangastaðanna býðst kostur á að panta reynsluakstur á heimasíðu okkar. Ef bíllinn sem þú hefur áhuga á er laus, stoppum við hjá þér og bjóðum á rúntinn. Það er stór mynd merkt sumarferðinni á forsíðu hekla.is sem ætti ekki að fara fram hjá neinum með nánari upplýsingum og eyðublaði fyrir reynsluaksturinn.“
Eins og fyrr segir eru það fimm bílar sem leggja af stað á mánudaginn og vonast Hekla eftir því að fólk á landsbyggðinni sem hefur mjög misjafnan aðgang að reynsluakstri nýti sér þetta frábæra tækifæri. Mikilvægt er að panta tíma sem fyrst svo hægt sé að uppfylla óskir sem flestra. Gangi þetta tilraunaverkefni vel þá hefur Hekla hug á að halda áfram að heimsækja byggðir landsins og fara á þau svæði sem ekki nást í þessum fyrsta hluta.
„Fyrstur kemur fyrstur fær“, bætir Hjördís við. „Því fyrr sem þú óskar eftir reynsluakstri því meiri líkur á að þú fáir þann bíl sem þú óskar eftir á þeim tíma sem hentar þér. Við staðfestum svo tímasetningu og hringjum áður en við rennum í hlað, segir Hjördís að lokum.“
Mánudagur
Þriðjudagur
Miðvikudagur
Fimmtudagur
Föstudagur
