Allt fyrir bílinn, Hyrjarhöfða 2
„Fyrir það fyrsta fá menn betra verð og hraðari þjónustu ef þeir eru með bílana sína í svona heildarþjónustu. Auk þess safnast upp þekking innanhúss á sömu ökutækjunum, menn þekkja bílana sem þeir eru að vinna við. Svo vita okkar viðskiptavinir að þegar þeir koma með bíl til okkar sem þarfnast smáviðgerða að þá er ekki verið að taka allt í nefið eins og sums staðar heldur er eingöngu gert við það sem þarf að gera við.“
Þetta segir Friðrik Vigfússon, annar eigenda fyrirtækisins Allt fyrir bílinn ehf., sem staðsett er að Hyrjarhöfða 2, 110 Reykjavík. Allt fyrir bílinn ehf. býður bíleigendum upp á heildarþjónustu þar sem gert er við allt sem gera þarf við og séð til þess að bílarnir séu alltaf í toppstandi. Viðskiptavinir Allt fyrir bíliln hafa hingað til mest verið fyrirtæki sem treysta því fyrir bílaflota sínum. Má þar nefna verkfræðistofuna Mannvit og innflutnings- og dreifingarfyrirtækið Bananar, auk margra fyrirtækja í ferðaþjónustu, til dæmis bílaleigur.
Málningarvinna hefur alltaf verið ríkur þáttur í starfsemi Allt fyrir bílinn ehf. en fyrirtækið er með samninga við öll tryggingarfyrirtækin um bílasprautun og málningu í tengslum við tjón. Auk þess er þetta þjónusta sem fyrirtæki með bílaflota nýta sér óspart
Nýjasti þátturinn í starfseminni er innflutningur á bílum; Allt fyrir bílinn flytur inn bæði nýja og notaða bíla í auknum mæli: „Við rekum ekki bílasölu sjálfir en flytjum inn fyrir aðra, gjarnan eftir pöntunum, til dæmis fyrir bílaleigur,“ segir Friðrik.
Fimm starfsmenn eru starfandi hjá Allt fyrir bílinn, bæði bifvélavirkjar og bílamálarar. Friðrik segir að það sé mjög mikið að gera og hafi farið mjög vaxandi í takt við aukinn uppgang og aukna bílaeign eftir að líða tók frá hruni. Ferðaþjónustufyrirtæki, til dæmis bílaleigur, koma þar sterk inn.
Þess má að lokum geta að Allt fyrir bílinn er með til sölu hina rómuðu hjólbarða, Infinity, sem eru bæðir afar vandaðir og seldir á hagstæðu verði.
Allt fyrir bílinn
Hyrjarhöfða 2, 110 Reykjavík
Símar: 554-4550 og 892-1667
Netfang: malningarverk@simnet.is
