Snyrtistofan Dimmalimm fagnar 10 ára afmæli þann 1. september
Snyrtistofan Dimmalimm var stofnað 1. september árið 2006 og fagnar því tíu ára starfsafmæli í lok sumars – nokkuð sem er ekki algengt í þessum bransa. Dimmalimm leggur mikla áherslu á vandaða þjónustu og nota starfsmenn aðeins hágæða vörur í allar meðferðir sem stofan býður upp á. Svana Björk Hjartardóttir, meistari í snyrtifræði og dáleiðari er stofnandi og eigandi stofunnar, sem er til húsa í Hraunbæ 102a, fyrir aftan Árbæjarblóm.
„Okkar markmið er að viðskiptavinum okkar líði sem best í notalegu og slakandi umhverfi þegar þeir koma til okkar og geta hvílt sig frá daglegu amstri,“ segir Svana. „Við leggjum áherslu á fagmennsku, gæði og ævintýralega vellíðan,“ bætir hún við.
Svana segir eina vinsælustu meðferðina hjá þeim vera Dermatude Meta Therapy-meðferðina sem er ný byltingarkennd
, róttæk meðferð gegn öldrun húðarinnar. „Þessi meðferð er 100% náttúruleg og sársaukalaus og það besta er að þú sérð árangur strax,“ segir Svana. „Í meðferðinni eru gerðar örsmáar ástungur á húðina og notuð eru virk efni á húðina um leið. Náttúrulegar varnir líkamans bregðast strax við og byrja viðgerð á húðinni,“ bætir hún við. Svana segir meðferðina vera mjög áhrifaríka. „Meðferðin endurnýjar húðina og hún verður þéttari, sléttari og stinnari. Auk þess verður húðliturinn jafnari og bjartari. Húðin verður rakameiri og vinnur meðferðin einnig á línum og hrukkum,“ segir Svana.
„Það sem er líka svo gott við þessa meðferð er að húðin jafnar sig nánast samstundis,“ segir hún í framhaldinu. Þess má geta að þetta er ein vinsælasta „anti-aging“-meðferðin hjá stjörnunum í Hollywood.
Dimmalimm býður upp á allar helstu snyrtimeðferðir en úrvalið má skoða á heimasíðunni, dimmalimm.is. Nýjasta meðferðin er dáleiðsluandlitsmeðferð þar sem megináherslan er á djúpslökun og vellíðan.
Dimmalimm selur og notar hinar margrómuðu ítölsku snyrtivörur frá Comfort Zone og Dermatude. Enn fremur er hin þekkta og vandaða Moraccanoil Body lína í notkun og til sölu á stofunni.
„Við tökum ávallt vel á móti viðskiptavinum okkar og leggjum mikið upp úr að fólki sem kemur til okkar líði vel,“ segir Svana. „Hægt er að skoða umsagnir um okkur á Facebook-síðunni okkar,“ segir hún og hvetur fólk til að kíkja á síðuna og skoða. Jafnframt er stofan með heimasíðuna www.dimmalimm.is, þar sem hægt er að sjá allar meðferðir og vörur sem snyrtistofan býður upp á.
Snyrtistofan er opin alla virka daga frá kl. 10.00 til 18.00 og á laugardögum eftir samkomulagi.
