„Við erum með einn stærsta pústlager á landinu og getum sinnt flestum gerðum bíla. Við höfum byggt upp lager sem nær yfir flestar bifreiðartegundir á Íslandi, mengunarkúta og sótagnasíur fyrir dísilbíla. Fyrir 13 árum hófum við að byggja upp samstarf við verksmiðju í Portúgal sem er með þau bestu púströr í eftirmarkaðssölu sem við höfum kynnst, og á verði sem leyfir okkur að vera neytendavænir. Í Bretlandi erum við svo með mjög öflugan birgi með mengunarkúta og sótagnasíur,“ segja þeir Sigurður Halldórsson og sonur hans, Arnar Sigurðsson, hjá Kvikk Þjónustunni, Vagnhöfða 5, Reykjavík, en fyrirtækið sérhæfir sig í pústkerfum.

„Við erum annars vegar með sölu á pústkerfum og hins vegar verkstæði þar sem skipt er um í bílunum. Við erum alltaf að auka við okkur í nýjum vörum, enda með birgja sem eru með eitt stærsta úrvalið á markaðnum, og veitir ekki af, þar sem Íslendingar eiga flestar gerðir og týpur af bílum sem framleiddir eru fyrir Evrópu,“ segja þeir feðgar enn fremur.

„Kvikk Þjónustan hefur líka þjónustað mörg önnur verkstæði og bifreiðaumboð svo úrvalið þarf að vera mikið,“ segir Sigurður. Starfsmenn á verkstæði eru þrautreyndir viðgerðarmenn sem hafa samanlagt yfir 75 ára reynslu í bílaviðgerðum.

Hann segir að það sé allt brjálað að gera en skilvirkt pöntunarkerfi á heimasíðu fyrirtækisins, kvikk.is, tryggir hraða og örugga þjónustu. „Þetta er bókunarsíða fyrir þá sem eru með þessi venjulegu pústvandamál sem þarf að leysa og þessi síða hefur algjörlega slegið í gegn, fólki finnst meiriháttar að geta bæði um kvöld og helgar bókað sér tíma.“

Á heimasíðunni kemur jafnframt fram að Kvikk flytur inn pústkerfi á góðu verði í flestar tegundir bifreiða og leysir önnur mál með sérsmíði. Enn fremur sinnir fyrirtækið flestu því sem viðkemur undirvagni bílsins. Má þar nefna bremsur, stýrisgang, fjöðrunarbúnað og hjólalegur.

Kvikk Þjónustan
Vagnhöfða 5, 110 Reykjavík
Sími: 5 200 600
Opið mánudaga til fimmtudag 8–18 og föstudaga 8–17
Kvikk.is