Í Hraunkoti, æfingasvæði Keilis, hafa á undanförnum misserum verið teknir í notkun nokkrir golfhermar af fullkomnustu gerð. Hægt er að leika yfir 20 velli í hermunum. Þeir henta sérstaklega vel fyrir golfkennslu þar sem kylfingar geta fengið nákvæma greiningu á öllum þáttum golfsveiflunnar með eða án golfkennara.

Verðskráin í golfhermana er tvískipt: Frá kl. 12 til 16 virka daga kostar klukkustundin 3.500 krónur en eftir klukkan 16 virka daga og um helgar kostar klukkutíminn 4.500 krónur.

Tímar í golfhermana eru bókaðir hér. Við bókun skal skilja eftir nafn, netfang og símanúmer. Greitt er síðan í Hraunkoti eftir tímann.

Þess má geta að meðan leikið er á sumarflötum á Hvaleyrarvelli kosta allir tímar 1.750 krónur.