Tíminn greindi frá því 4. október 1974 að Bóksalafélag Íslands hefði miklar áhyggjur af framtíð greinarinnar og vildi afnema söluskatt af bókum. Mikill samdráttur í bóksölu kæmi til vegna sjónvarpsáhorfs, stækkun dagblaða, verðbólgu og aukinnar afkastagetu bókasafna. Bent var á að dagblöð, tímarit, útvarp og sjónvarp væri þá þegar undanþegið söluskatti. Einnig að enginn söluskattur væri á löndum í kringum okkur, til dæmis Noregi og Bretlandi. Í bréfi frá félaginu stóð Í hástöfum: „MÁLIÐ VIRÐIST SENN KOMIÐ Á ÞAÐ STIG, AÐ ÍSLENDINGAR GERI ÞAÐ UPP VIÐ SIG, HVORT BÆKUR EIGI AÐ KOMA ÚT Í LANDINU.“