Lýsendur héldu fyrst að áhorfandi væri að horfa á klám – Annað kom á daginn
Tennis hefur það orð á sér að vera fremur íhaldssöm og stíf íþrótt yfirstéttar í Bandaríkjunum, en það varð frekar létt yfir leik Frances Tiafoe og Mitchell Krueger á Sarasota Open tennismótinu á þriðjudagskvöld, einkum og sér í lagi vegna sérstakrar uppákomu í miðjum leik.
Kynlífshljóð og stunur tóku að berast inn á völlinn og héldu lýsendur keppninnar fyrst að hljóðin væru að koma úr farsíma áhorfenda, sem þá átti væntanlega að vera að laumast til að horfa á klám. Það reyndist þó ekki rétt.
„Nei, gott fólk. Þetta er ekki sími. Þetta kemur frá íbúð, hinumegin við vatnið.“
Hljóðin fóru ekki fram hjá tennisspilurunum heldur og mátti heyra Tiafoe hrópa:
„Þetta getur ekki verið svona gott!“
Svo fór að Tiafoe vann leikinn, en senuþjófarnir voru án nokkurs vafa hið háværa par.
Hér fyrir neðan má sjá myndband sem New York Post birti af atvikinu:
