Í morgun var tilkynnt hvaða listamenn fái mánaðarlaun á næsta ári, en alls er um að ræða 1.720 mánuði sem skiptast á milli 251 einstaklings.
Sjá einnig: Þessi fá listamannalaun árið 2025 – Fá 560 þúsund í verktakalaun á mánuði
„Ég get nú alltaf skrifað eitthvað um listamenn, sem eru sérstakt áhugaefni hjá mér og hluti af mannfræðirannsóknum mínum. Nú eru um eitt þúsund listamenn brjálaðir út af því að fá ekki launagreiðslur frá ríkinu en tæplega þrjú hundruð þeirra afar ánægðir,” segir Brynjar sem spyr hvar annars staðar sé svona fyrirkomulag í stuðningi við listir og menningu.
„Niðurstaða úr rannsóknum mínum sýna að það er löngu úrelt að þriggja manna nefnd úthluti svona gæðum eftir geðþótta. Væri nær að hafa afrekssjóð eins og hjá íþróttamönnum. Vona að stjórnmálamenn fari ekki að taka upp á því að greiða þeim einnig laun úr ríkissjóði,“ segir Brynjar sem veltir framtíðinni fyrir sér.
„Þegar verður búið að þjóðnýta allt atvinnulífið, að minnsta kosti arðinn, nema hárskerann og snyrtifræðinginn, fáum við öll laun úr ríkissjóði og öll jafnmikið í nafni jöfnuðar. Hljóta allir að fegurðina og réttlætið í því.“
