Þrír létu lífið og ellefu særðust í skotárás sem átti sér stað á hinni árlegu Gilroy Garlic-hátíð sem fram fer í bænum Gilroy í Kaliforníu-fylki, Bandaríkjunum. Á meðal þeirra sem létu lífið var sex ára drengur. Frá þessu greina fjölmiðlar í bandaríkjunum.
Einn árásarmaður dó líka, en talið er að hann hafi ekki verið einn að verki. Þó er ekki vitað um ferðir hins árásarmannsins, né hver hann er, en lögreglan vestanhafs leitar hans.
Rokkhljómsveitin TinMan var að spila sitt seinasta lag á hátíðinni þegar að skotárásin hófst.
Söngvari hljómsveitarinnar Christian Swain sagði „við hlupum af sviðinu og skriðum undir það. Við fundum lykt af byssupúðrinu“
Lögreglan á hátíðinni var vel mönnuð og bragðist fljótt við, sagði lögreglustjórinn á svæðinu.