HP Poly Mission heyrnartólalínan var valin „Best á sýningunni“ (Best of Show) í flokki hljóð- og myndlausna (AV Technology) á ISE 2026 tæknimessunni í Barcelona. ISE er ein stærsta og áhrifamesta tækniráðstefna heims á sviði hljóð-, mynd- og kerfislausna (AV & systems integration) þar sem um 1.600 sýnendur kynna nýjungar á hverju ári.

Í umsögn dómnefndar kemur fram að heyrnartólin skeri sig úr fyrir nýstárlega nálgun og notendavæna hönnun. Nefndin bendir einnig á að Mission-línan endurspegli framsækna þróun sem HP Poly leggur áherslu á fyrir notendur.

Poly, sem upprunalega varð til með sameiningu Polycom og Plantronics árið 2018, hefur lengi verið þekkt fyrir samskiptabúnað á vinnustöðum og í fjarskiptum. Eftir að HP eignaðist vörumerkið árið 2022 hefur verið lögð aukin áhersla á notendaupplifun, hljóðtækni og lausnir fyrir blandað vinnuumhverfi. Nýja Mission-línan er hluti af þeirri þróun, þar sem spjótunum er beint að stuðningi við ólíka vinnuheima, hvort sem fólk starfar að heiman, á skrifstofu eða í blönduðu vinnufyrirkomulagi. Lögð er sérstök áhersla á þægindi til lengri tíma, skýrt hljóð í samtölum og hnökralausar tengingar við mismunandi tæki og vinnuumhverfi.

„Markaður fyrir heyrnartól og fjarfundalausnir hefur tekið miklum breytingum undanfarin ár, ekki síst eftir heimsfaraldurinn, þegar fjarvinna jókst gríðarlega. Á sama tíma spyrja fyrirtæki hvaða tæki geti raunverulega bætt samskipti og dregið úr flækjustigi. HP Poly Mission-línan svarar þeirri spurningu svo sannarlega, ef marka má viðbrögðin á ISE,“ segir Gísli Þorsteinsson forstöðumaður Notendalausna tæknifyrirtækisins. „Ljóst er að HP hefur fundið fótfestu á nýjum markaði þar sem þörfin fyrir hljóðgæði sem notendavæna hönnun er mikil.“

Fyrstu HP Poly Mission heyrnartólin eru væntanleg á markað í næsta mánuði, eins og segir í tilkynningu.