Snjallsímar frá farsímaframleiðandanum OPPO eru komnir í sölu á íslenskum markaði. OPPO er fjórði stærsti farsímaframleiðandi heims í dag og hafa vinsældir vörumerkisins aukist hratt á undanförnum árum, eins og kemur fram í tilkynningu.

Símarnir frá OPPO eru meðal þeirra vinsælustu í Asíu og hefur vörumerkið verið í mikilli sókn á Evrópumörkuðum upp á síðkastið, þar á meðal í Bretlandi, Þýskalandi og á Norðurlöndum.

Snjallsímarnir frá OPPO voru kynntir á UTmessunni í Hörpunni sem fram fór um helgina í sýningarbási Ofar.

Stendur jafnfætis risunum á snjallsímamarkaðnum

OPPO er þekkt fyrir að framleiða snjallsíma sem standa jafnfætis risunum á markaðnum þegar kemur að tækni og hönnun, en á verði sem kemur mörgum á óvart. Símarnir þykja skara sérstaklega fram úr í öflugum rafhlöðum, hágæða myndavélakerfum og nútímalegri hönnun.

Flaggskip OPPO, Find X9 Pro er með eina endingarbestu rafhlöðu sem finnst á markaðnum í dag, en síminn getur virkað í tvo sólarhringa án hleðslu, ef miðað er við meðalnotkun. Síminn hefur einnig vakið sérstaka athygli fyrir frábært 200 MP myndavélakerfi sem skilar sér í skýrum og nákvæmum myndum, bæði fyrir byrjendur og lengra komna.

Tölvu- og tæknifyrirtækið Ofar er þjónustu- og dreifingaraðili fyrir OPPO á Íslandi og sér um öll verkstæðis og ábyrgðarmál á tækjunum. Símar OPPO eru í dag seldir í verslunum Elko og Ofar.

„Það verður spennandi að kynna OPPO fyrir íslenskum markaði og við teljum að vörumerkið muni falla vel að kröfum neytenda um nýjustu tækni á samkeppnishæfu verði“, segir Brynjar Örn Sigurðsson, vörustjóri hjá Ofar.

Um OPPO
OPPO er kínverskt tæknifyrirtæki sem sérhæfir sig í þróun og framleiðslu snjallsíma og annarra rafeindatækja. Fyrirtækið var stofnað árið 2004 og starfar á fjölmörgum mörkuðum um allan heim, þar á meðal í Asíu og Evrópu.