Þorvaldur Þórðarson, prófessor í eldfjallafræði, á von á því að eldgos hefjist á Reykjanesskaganum á næstu dögum. Þetta segir Þorvaldur í samtali við Morgunblaðið í dag.

Talað hefur verið um það í nokkra daga að gos geti hafist á hverri stundu en svipað magn kviku eftir safnast undir Svartsengi og þegar síðast gaus á svæðinu.

En hvernig verður atburðarásin að þessu sinni?

Þorvaldur svarar því til í samtali við Morgunblaðið að hann reikni með að næsta gos verði mjög sambærilegt þeim síðustu.

„Það byrj­ar kannski með ein­hverj­um lát­um en dett­ur síðan fljótt niður,“ seg­ir Þor­val­dur sem á von á því að gosið komi upp á svipuðum slóðum og síðast, á svæðinu við Stóra-Skógfell.

Hann telur afar ólíklegt að gosið byrji inni í Grindavík en vissulega geti hraun runnið í átt að bænum og farið yfir varnargarða. „Það get­ur líka gerst eins og gerðist 14. janú­ar að syðsti endi sprung­unn­ar nái það langt að hann fari í gegn­um varn­argarðana og síðan renni kvika eft­ir grunn­um sprung­um og komi kannski upp aðeins neðar,“ seg­ir Þor­vald­ur við Morgunblaðið.