fbpx
Mánudagur 22.júlí 2024
Fréttir

Hryllingur í safaríferð – Fílahjörð traðkaði ferðamann til bana

Ritstjórn DV
Þriðjudaginn 9. júlí 2024 20:30

Afrískir fílar. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Spænskur ferðamaður á fimmtugsaldri lét lífið með hræðilegum hætti í safaríferð í Suður-Afríku um helgina. Maðurinn, sem var 43 ára gamall, steig út úr bifreið leiðsögumanns síns til að ná betri myndum af fílahjörð í Pilanesberg-þjóðgarðinum vinsæla. Alls voru fjórir ferðamenn um borð í bílnum, þar á meðal unnusta spænska ferðamannsins, en hann á að hafa látið varnaðarorð sem vind um eyru þjóta.

Ekki vildi betur til en svo að þrír kálfar voru í hjörðinni og réðust þrír fílar, þar á meðal móðir eins kálfsins, til atlögu við ferðamanninn sem þeim virtist stafa ógn af.

Í umfjöllun Daily Mail um harmleikinn kemur fram að spænski ferðamaðurinn hafi hlaupið öskrandi af hræðslu aftur að bifreiðinni en ekki náð tilbaka í tæka tíð. Atburðarásin hafi aðeins tekið um 30 sekúndur og hafi maðurinn látist nær samstundis. Hinir ferðamennirnir og leiðsögumenn hafi horft hjálparvana á ósköpin.

Slys sem þessi eru blessunarlega fremur sjaldgæf í safaríferðum þó þau gerist af og til. Í mars síðastliðinum lést til að mynda ferðamaður á áttræðisaldri í safaríferð í Sambíu. Þá réðst fíll á bifreið sem hann var farþegi í og velti henni.

 

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Solaris fordæma ummæli Helga

Solaris fordæma ummæli Helga
Fréttir
Í gær

Leiðrétting og afsökunarbeiðni

Leiðrétting og afsökunarbeiðni
Fréttir
Fyrir 2 dögum

Þrír erlendir ferðamenn grunaðir um meiriháttar líkamsárás

Þrír erlendir ferðamenn grunaðir um meiriháttar líkamsárás
Fréttir
Fyrir 2 dögum

Ása og börnin boðuðu til blaðamannafundar – „Enginn vill trúa því að fjölskyldumeðlimur, pabbi þeirra, bróðir eða eiginmaður geti framið slík myrkraverk“

Ása og börnin boðuðu til blaðamannafundar – „Enginn vill trúa því að fjölskyldumeðlimur, pabbi þeirra, bróðir eða eiginmaður geti framið slík myrkraverk“