Stórtækar vinnuvélar hafa verið við vinnu á svæðinu og þá hafa slökkviliðsmenn freistað þess að hægja á rennslinu með því að sprauta vatni á hraunið.
Hjördís Guðmundsdóttir, upplýsingafulltrúi Almannavarna, sagði við Vísi í morgun að kælingin hafi virkað vel og hraunið fari hægt yfir. Engir innviðir séu í hættu eins og er.
Á vef Víkurfrétta má sjá myndband sem tekið var yfir vettvanginn við Svartsengi í nótt. Á því má meðal annars sjá vinnuvélar og slökkviliðsmenn að störfum.