Tveir dýraverndursinna þustu inn í gallerí í London fyrr í dag og frömdu þar skemmdarverk á glænýju málverki af Karli Bretakonungi. Í myndbandi sem var dreift eftir gjörninginn má sjá tvo aktívista ganga hröðum skrefum að verkinu og í skyndi líma pólitísk skilaboð um illa meðferð á dýrum á verkið. Karakterinn sem var límdur yfir andlit konungsins er aðalsöguhetjan í bresku teiknimyndunum Wallace og hund hans Gromit en Karl hefur áður lýst yfir ánægju sinni með þættina.
Málverkið, sem er hið fyrsta sem málað var af Karli eftir að hann tók við bresku konungstigninni, var afhjúpað í maí á þessu ári en það er eftir listmálarann Jonathan Yeo. Verkið var til sýnis í Philip Mould-listgalleríinu í London.
Talið er að verndargler sé yfir verkinu og því ólíklegt að það hafi skemmst.
Aktívistarnir voru á vegum samtaka sem bera heitið Animal rising en hópurinn hefur staðið fyrir margskonar mótmælagjörningi á Bretlandseyjum undanfarið. Hér má sjá myndband af gjörningnum: