fbpx
Miðvikudagur 07.maí 2025
Fréttir

Sólheimajökulsmálið: Játningar streyma inn – Ungur maður flutti 16 milljónir til Vínarborgar

Ágúst Borgþór Sverrisson
Þriðjudaginn 8. október 2024 16:00

Frá Kuggavogi. Mynd: DV.

Ekki missa af Helstu tíðindum dagsins í pósthólfið þitt

Lesa nánar

Stórt og margbrotið fíkniefnamál, sem kallað hefur verið stóra fíkniefnamálið, en er einnig kallað Sólheimajökulsmálið, er nú að taka á sig nýja mynd. Eftir að allir sakborningar neituðu sök við þingfestingu málsins hafa nú þrír snúið við blaðinu og játað sök og samkvæmt heimildum DV eru líkur á því að tveir sakborningar til viðbótar játi sök á næstunni.

Sakborningar í málinu eru alls 18, 13 karlar og 5 konur. Sum eru sökuð um skipulagða brotastarfsemi, önnur um fíkniefnasölu, vörslu fíkniefna og peningaþvætti. Nafnið Sólheimajökull er heiti á spjallhóp sem um helmingur sakborninga hélt gangandi á samskiptaforritinu Signal og lögregla vaktaði. Talið er að hópurinn hafi starfað í nokkur ár en þau brot sem ákært er fyrir byggja á rannsóknum lögreglu frá því um haustið 2023 og fram til apríl á þessu ári, fíkniefnamagn sem þar kemur við sögu nemur aðeins um 6 kg, þar af rúmlega tvö í einu smygli með skemmtiferðaskipinu Aidasol.

Sjá einnig: Þingfesting í stóra fíkniefnamálinu – Nístandi kvíði sakborninga sem óttast afhjúpun og smánun

Þriðji sakborningurinn sem játað hefur sök er 28 ára gamall karlmaður. Hann hefur annars vegar játað á sig peningaþvætti, að hafa móttekið 16 milljónir og 175 þúsund krónur í reiðufé frá öðrum ákærða, sem var afrakstur brotastarfsemi, á heimili sínu að Kuggavogi í Reykjavík. Þessi móttaka átti sér stað þann 23. mars á þessu ári en daginnn eftir fór maðurinn með peningana til Vínarborgar, með flugi frá Keflavík, en hann var handtekinn í Vínarborg.

Maðurinn hefur ennfremur játað að hafa fimmtudaginn 18. apríl á þessu ári haft í vörslu sinni í sölu- og dreifingarskyni tæp 16 g af kókaíni í íbúð sinni að Kuggavogi og í bíl sínum.

Aðalmeðferð í Sólheimajökulsmálinu hefst við Héraðsdóm Reykjavíkur þann 28. október. Mál þessa manns verður klofið frá aðalmálinu og réttað yfir honum sér.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 11 klukkutímum

Umdeilt 200 milljóna króna listaverk á að rísa í Vestmannaeyjum

Umdeilt 200 milljóna króna listaverk á að rísa í Vestmannaeyjum
Fréttir
Fyrir 13 klukkutímum

Engar eignir fundust í gjaldþrota félagi Gumma kíró – „Þetta er heil­mik­ill lær­dóm­ur“

Engar eignir fundust í gjaldþrota félagi Gumma kíró – „Þetta er heil­mik­ill lær­dóm­ur“
Fréttir
Fyrir 16 klukkutímum

Marjorie Taylor Green gagnrýnir Trump harðlega – „Ég er pirruð“

Marjorie Taylor Green gagnrýnir Trump harðlega – „Ég er pirruð“
Fréttir
Fyrir 20 klukkutímum

„Útlínur sigurs okkar eru nú þegar augljósar“ segir ráðgjafi Pútíns – En vikan verður Rússum erfið

„Útlínur sigurs okkar eru nú þegar augljósar“ segir ráðgjafi Pútíns – En vikan verður Rússum erfið