Ásgeir Bolli Kristinsson hefur beðist afsökunar á ummælum sínum um Sjálfstæðiskonur. Afsökunarbeiðnina bar hann upp í þættinum Reykjavík síðdegis á Bylgjunni í dag.

„Þetta var frek­ar óheppi­leg sam­lík­ing sem ég hafði nú í út­varp­inu,“ sagði Bolli.

Bolli, kenndur við verslunina 17, hefur viðrað hugmyndir um að boðinn yrði fram svokallaður DD listi, sem óánægðir Sjálfstæðismenn gætu kosið.

Ummæli hans um konur í viðtali við Vísi féllu hins vegar í grýttan jarðveg. Sagði hann:

„Við erum ekk­ert að leita að ein­hverj­um, hvað á ég að kalla það. Ein­hverj­um ný­út­skrifuðum stúlk­um sem ætla bara að blása á sér hárið og naglalakka sig. Þó ég hafi fulla virðingu fyr­ir ungu fólki þá þurf­um við fólk með reynslu og eitt­hvað fólk sem hef­ur áunnið sér eitt­hvað í líf­inu.“

Á meðal þeirra sem létu í sér heyra voru Áslaug Arna Sigurbjörnsdóttir háskóla-, iðnaðar- og nýsköpunarráðherra og Friðjón Friðjónsson borgarfulltrúi.