Marek Dementiuk lést í umferðarslysi þann 13. september síðastliðinn í miðbæ Reykjavíkur, á mótum Lækjargötu og Vonarstrætis. Marek keyrði sendibifreið sem lenti í árekstri við skotbómulyftara með þeim hörmulegu afleiðingum að hann var útskurðaður látinn á vettvangi slyssins þegar viðbragðsaðilar komu að.
Marek var fæddur árið 1986 og var því aðeins 37 ára að aldri. Hann lætur eftir sig eiginkonu og þrjú börn á aldrinum sex til tólf ára sem eiga nú um sárt að binda.
Marek og eiginkona hans Kinga fluttu til Íslands frá Póllandi árið 2007 með von um betra líf. Hann starfaði við smíðar hér á landi og eignaðist stóran hóp vina og samstarfsfélaga. Útför Marek fór fram 22. september í Njarðvíkurkirkju, en fjölskyldan er búsett í Reykjanesbæ.
Stofnaður hefur verið styrktarreikningur til að létta álagi af fjölskyldu hans og er reikningurinn á nafni og kennitölu Kingu, eftirlifandi eiginkonu hans.
Munum að margt smátt gerir eitt stórt.
Kennitala: 040984-4619
Reikningur: 0123-15-129201
Sjá einnig: Banaslys í miðborg Reykjavíkur
