Um 180 manna hópur Venesúelabúa sem fóru í sjálfviljugri för frá Íslandi til heimalandsins í dag eru nú frjálsir ferða sinna og búnir að fá vegabréfin sín aftur.

Mbl.is greinir frá þessu og ræðir við Guðrúnu Hafsteinsdóttur, dómsmálaráðherra.

„Í fyrstu var fólk frels­is­svipt en við feng­um síðan upp­lýs­ing­ar um það frá stjórn­völd­um eft­ir óform­leg­um leiðum að all­ir séu orðnir frjáls­ir ferða sinna og hafi verið það eft­ir sól­ar­hring. Að þetta hafi verið skrán­ing­ar­form hjá venesú­elsk­um stjórn­völd­um,” segir Guðrún, og ennfremur:

„Við höf­um fengið upp­lýs­ing­ar inn­an hóps­ins að all­ir séu með vega­bréf­in sín. Við þurf­um vita­skuld að staðreyna það sem þarna gerðist og fá nán­ari upp­lýs­ing­ar inn­an úr hópn­um sem þarna var.“

Fjölmiðill í Venesúela greindi frá því í gær að fólkið hefði verið handtekið, eigur þess gerðar upptækar og það látið skrifa undir yfirlýsingu þar sem það játaði á sig föðurlandssvik. Margar ábendingar sama efnis bárust hingað til lands frá hópnum og greint frá því í flestum innlendum fjölmiðlum í gær.

DV bárust ábendingar í morgun frá aðila hvers aðstandandi var í hópnum í gær og hafði ekki hlotið þá meðferð sem hér er lýst. „Hann sagði að móttökurnar hefðu verið til fyrirmyndar. Enginn var rændur og það var komið vel fram við fólkið að öllu letti. Þeir eru með einhverskonar móttökuferli sem mér skilst að taki tvo daga en þau fá gistingu og þess háttar,“ segir maðurinn.

Sjá einnig: Flóttamennirnir handteknir við komuna til Venesúela – 80 milljónir af íslensku fé virðast hafa farið í hendur einræðisherra landsins