Þrír útlendingar dvelja nú í fangageymslu lögreglunnar á höfuðborgarsvæðinu því grunur leikur á að þeir hafi dvalið lengur hér á landi en þeir mega og séu því í ólöglegri dvöl. Mál þeirra verður rannsakað nánar í dag.

Eldur kom upp í skúr í Garðabæ. Ekki er vitað um tjón.

Eldur kom upp í rusli við leikskóla í Grafarvogi. Eitthvað tjón varð á húsnæði leikskólans.

Afskipti voru höfð af tveimur aðilum í Miðborginni vegna gruns um vörslu fíkniefna.

Tilkynnt var um innbrot í Hlíðahverfi.

Fjórir ökumenn voru handteknir grunaðir um að vera undir áhrifum áfengis og/eða fíkniefna. Einn þeirra reyndist vera sviptur ökuréttindum og annar er grunaður um vörslu fíkniefna.