Þetta sagði Nikita Knysh, úkraínskur tölvuþrjótur, að sögn Financial Times sem segir að greddan hafi reynst rússnesku hermönnunum dýrkeypt.
Knysh kom að stofnun hóps úkraínsks hóps tölvuþrjóta, sem nú telur um 30 manns, sem nota hæfileika sína og kunnáttu til að aðstoða úkraínska herinn í baráttunni við þann rússneska.
Í ágúst komst hópurinn í samband við nokkra rússneska hermenn, nærri Melitopol, í gegnum samfélagsmiðla að hans sögn. Tölvuþrjótarnir létust vera „aðlaðandi konur“ og töldu hermennina á að senda nokkrar ljósmyndar af sér við víglínuna.
Það gerðu þeir og gengu þannig í gildru. Tölvuþrjótarnir gátu fundið staðsetningu hermannanna út með aðstoð upplýsinga á ljósmyndunum og komu þeim upplýsingum áfram til úkraínska hersins.
Knysh sagði að nokkrum dögum síðar hafi sprengjuárás verið gerð á herstöðina.
Financial Times gat ekki sannreynt hvort árásin hafi átt sér stað en bendir á að í ágúst hafi borgarstjórinn í Melitopol sagt að sprenging hafi orðið í rússneskri herstöð við borgina.
