Klukkan 03:23 í nótt barst lögreglu tilkynning um rán í miðbæ Reykjavíkur. Þar eiga þrír einstaklingar hafa ráðist á einn, beitt hann ofbeldi sem varð til þess að maðurinn fékk áverka, og haft af honum verðmæti, og komist undan. Þetta kemur fram í dagbók lögreglu, en málið er í rannsókn.
Rétt fyrir miðnætti barst lögreglu tilkynning um líkamsárás á skemmtistað í miðbænum. Einn einstaklingur var handtekinn grunaður í málinu og var hann vistaður í fangaklefa í þágu rannsóknar málsins.
Um áttaleytið í nótt var ölvaður einstaklingur í Breiðholti að ganga fyrir bifreiðar og reyndi að komast inn í þær. Hann var handtekinn og vistaður í fangaklefa sökum ástands.
Um miðnætti óskaði húsráðandi íbúðar í Breiðholti eftir aðstoð lögreglu vegna einstaklinga sem voru að slást í íbúð sinni.