Undanfarna tvo daga hafa þrjú Covid-19 smit greinst á blóð- og krabbameinsdeild Landpsítalans. Tvö smit hafa greinst hjá starfsmönnum og eitt hjá sjúklingi á deildinni.
Þetta kemur fram í tilkynningu á vef Landspítalans. Samkvæmt tilkynningunni hefur ítarleg rakning farið fram og fólk sett í sóttkví eða vinnusóttkví eftir atvikum. Sjúklingurinn umræddi greindist í gær og var hann fluttur á smitsjúkdómadeild í einangrun. Óvíst er hvort tengingar séu á milli smits hans og smits starfsmannanna tveggja.
