Joshua Ikechukwu Mogbolu hefur verið úrskurðaður í sex mánaða gæsluvarðhald vegna almannahagsmuna. Vísir greinir fyrst frá þessu.

Hann hefur setið í gæsluvarðhaldi grunaður um nauðgun, en það hefur nú verið framlengt. Hann var á dögunum dæmdur í fjögurra og hálfs árs fangelsi fyrir að nauðga tveimur konum, og er nú grunaður um þriðju nauðgunina.

Joshua er 21 árs gamall, og býr í Hafnarfirði. Líkt og DV hefur greint frá hafa konur verið varaðar við honum á samfélagsmiðlum, og hann sagður nota Tinder.

Líkt og áður segir var Joshua á dögunum dæmdur fyrir að nauðga tveimur konum. Annað atvikið átti sér stað á höfuðborgarsvæðinu en hitt á Akureyri.

Í atvikinu sem átti sér stað á höfuðborgarsvæðinu fór Joshua heim með konu af djamminu. Í kjallaraíbúð nauðgaði hann henni, en hætti skyndilega. Þá flúði hún og kallaði á hjálp. Hann elti hana og náði henni og fór aftur með hana í kjallaraíbúðina og nauðgaði aftur. Konan lýsti því að hún hefði óttast um líf sitt.

Sjá einnig: Joshua dæmdur fyrir að nauðga tveimur konum

Seinna atvikið átti sér stað á Akureyri, en þar hitti hann konu á Tinder-deiti og fóru þau  saman í lítið samkvæmi. Þar dró hann hana inn á baðherbergi og nauðgað henni.

Joshua neitaði sök í báðum tilvikunum.

Fyrir þessar nauðganir fékk hann fjögurra og hálfs árs fangelsisdóm. Auk þess þarf hann að greiða annarri konunni 2 milljónir króna og hinni konunni 1,3 milljónir í miskabætur. Þá mun hann þurfa að greiða 5,2 milljónir í málskostnað.