Á tíunda tímanum í gærkvöldi var lögreglunni tilkynnt um slagsmál á veitingastað í vesturhluta borgarinnar. Málið er í rannsókn hjá miðlægri rannsóknardeild. Í Breiðholti var maður sleginn og meiddist lítillega. Málið er í rannsókn. Eitt heimilisofbeldismál kom upp.

Rafskútu var stolið í vesturhluta borgarinnar á ellefta tímanum í gærkvöldi. Tjónþoli telur sig vita hver þjófurinn er.

Fimm ökumenn voru handteknir í gærkvöldi og nótt á höfuðborgarsvæðinu grunaðir um að vera undir áhrifum fíkniefna og/eða áfengis.

Í Garðabæ hafði lögreglan afskipti af tveimur drengjum sem voru að sniglastg á vinnusvæði. Rætt var við foreldra þeirra og barnaverndaryfirvöldum verður tilkynnt um málið.