Óhætt er að segja að hugmyndir sem viðraðar voru í fréttatíma Stöðvar 2 í gærkvöldi um að hefta aðgengi að klámi á internetinu og krefjast jafnvel framvísun rafrænna skilríkja af þeim sem slíkar síður heimsækja hafi fallið í grýttan jarðveg.
Í fréttatímanum var rætt við Kolbrúnu Hrund Sigurgeirsdóttur sem sagði klámáhorf ungs fólks skaðlegt og að grípa þyrfti til einhverra ráða. Kolbrún sagðist þá hafa sett sig í samband við menntamálaráðuneytið. Lilja Dögg Alfreðsdóttir menntamálaráðherra virðist hafa tekið vel í erindi Kolbrúnar og sagði að næsta skref væri að skipa starfshóp um málið.
„Klám er alltaf umdeilt. En ég bið þá sem rjúka upp til handa og fóta og verða kannski reiðir yfir þessu að hugsa til þess að við erum að tala um börn,“ sagði Kolbrún jafnframt. Og hver vill ekki hugsa um blessuð börnin!
Þrátt fyrir beiðni Kolbrúnar hafa þessar hugmyndir þeirra Lilju og Kolbrúnar verið hafðar að háði og spotti á samfélagsmiðlum í dag. Til dæmis spurði Berglind Ósk Guðmundsdóttir, nýkjörinn þingmaður Sjálfstæðisflokksins, hvort ekki væri réttara að einbeita sér að fræðslu áður en gripið er til boða og banna.
Hvernig væri að sinna fyrst kallinu um aukna fræðslu??? Að mínu mati er verið að leggja til ranga leið að markmiðinu. Klám hættir ekki að vera til þó aðgengi að því verði flóknara. Ný vandamál kalla á nýjar lausnir – ekki boð og bönn. https://t.co/JvoF7mjAwE
— Berglind Ósk Guðmundsdóttir (@berglindosk7) November 20, 2021
Þessa sömu skoðun mátti víða greina á samfélagsmiðlun í gær. Hér að neðan eru nokkrar slíkar færslur.
Þurfa þá allir sem ætla að horfa á klám að beisiklí framvísa persónuskilríkjum? Verður þetta bara skráð í einhvern blessaðan gagnabanka í Þjóðskrá? „Sólborg Guðbrandsdóttir, 25 ára, óskar hér með eftir aðgengi að 2 girls 1 cup…líkt og þrjú síðustu sunnudagskvöld“ pic.twitter.com/qUeDqSNeOG
— Sólborg Guðbrands (@solborgg) November 20, 2021
— 🫠 Brikir (@birkirh) November 20, 2021
Sumt fólk, sem kveðst jafnvel vera hvað frjálslyndast, þekkir ekki aðrar leiðir en boð og bönn. Það er þeim óhugsandi að tækla vandamál með fræðslu eða samvinnu.
— Ingvar S. Birgisson (@ingvarsmari) November 20, 2021
Plís ekki eyða tugum eða hundruðum milljóna í að reyna að koma á ríkis-ritskoðuðu interneti.
a) Það er hvort sem er of létt að komast framhjá því.
b) Það fer langt út fyrir eðlileg afskipti ríkisins af lífi borgaranna.
c) Það opnar fyrir möguleikann á gífurlegri misnotkun valds.— Dagbjartur Gunnar (@dagbjartur) November 20, 2021
Það eina sem þessi „lausn“ mun hafa í för með sér er að 75+ munu ekki sjá klám, sem er svo sem til einhvers unnið. https://t.co/hgStDAdl4g
— Friðjón Friðjónsson (@fridjon) November 20, 2021
