Það er ekki ofsagt að segja að þáttur Kveiks sem sýndur var á þriðjudaginn hafi sett samfélagið á hliðina. Þar var tekið viðtal við leikarann Þóri Sæmundsson sem var árið 2017 meðal annars sakaður um að hafa sent kynferðislegt myndefni á 15 ára stúlku sem og á samstarfskonu hans í Þjóðleikhúsinu en sú var á menntaskólaaldri.

Í viðtali við DV sama ár gekkst hann við því að hafa sýnt af sér ósæmilega hegðun og kynferðislega áreitt konur. Þórir var í kjölfarið rekinn frá Þjóðleikhúsinu.

Hann greindi Kveik frá því að hann hefði átt erfitt með að finna og halda vinnu síðan málið kom upp, en markmið Kveiks var að velta fyrir sér svonefndri útilokunarmenningu og hvaða áhrif hún getur haft á líf þeirra sem hafa verið sakaðir um ofbeldi gegn konum.

Kveikur tók fram að erfitt hafi reynst að finna viðmælendur fyrir þessa umfjöllun þar sem fólk óttaðist hakkavél samfélagsmiðla. Því var aðeins rætt við Þóri í þættinum og hefur ritstjóri Kveiks sem og RÚV fengið yfir sig harða gagnrýni í kjölfarið fyrir einhliða umfjöllun sem margir segja að hafi stórskaðað þolendur á Íslandi og ýtt undir gerendameðvirkni í samfélaginu.

@ruvkveikur takk fyrir að triggera alla þolendur – vel gert fuckers

— Katrín (@katrinhormoni) November 3, 2021

Ummæli Þóris í Kveiks-viðtalinu, þar sem hann segir 15 ára börn hafa tælt hann til að senda sér myndir af getnaðarlimnum, hafa jafnframt verið harðlega gagnrýnd.

milljón covid smit og allir eru bara eitthvað að saka börn um að tæla fullorðna menn. Má ég leggjast í dvala?

— Þorbjörg (@thorbjorgmatt) November 5, 2021

Margir þolendur, femínistar, aktívistar, femínískt stuðningsfólk og fleiri hafa lýst yfir vonbrigðum sínum með þáttinn á Twitter og skora á RÚV og ritstjóra Kveiks – Þóru Arnórsdóttur- að svara fyrir umfjöllunina.

Mikill hiti hefur verið í umræðunni sem hefur reynst mörgum, sérstaklega þolendum kynferðisbrota, þungbær. Sérstaklega hafa gagnrýnendur bent á það að þó Kveikur hafi ætlað að fjalla um útilokunarmenningu þá hafi umræðan í samfélaginu fremur falist í því að ráðast að þolendum og þeim sem berjast gegn kynferðisofbeldi og nauðgunarmenningu.

Eins hafi verið illa úthugsað af hafa Þóri sem viðmælanda þar sem hann hafi til þessa enga ábyrgð tekið á sínum brotum, hann hafi til að mynda ekki beðið þolendur sína afsökunar, hann hafi í kjölfar þess að vera rekinn frá Þjóðleikhúsinu búið til gerviaðgang að Twitter þar sem hann réðst með orðum að konum og gert lítið úr brotum sínum til að mynda á stefnumótaforritinu Tinder.

Afþvi maður sem skammast sin svo mikið fyrir að senda typpamyndir er einmitt að skella þessu i bio a tinder ári seinna, classy pic.twitter.com/YNT9jf7yFI

— Hannah Montana (@verzlhoe) November 4, 2021

Dæmi um þau skilaboð sem hefur verið beint til RÚVog Kveiks undanfarna daga eru:

• „Getiði drullast til að þrífa upp skítinn eftir ykkur núna”
• „Ef Kveikur fer ekki að ávarpa það að hafa skitið á sig með þessum þætti er ljóst að þau missa allan trúverðugleika sem fréttaskýringarþátur.”
• „Hvenær ætlið þið að svara fyrir þetta?”
• „Lengið í kveiknum og gerið þetta með sæmd”
• „Ætlið þið að taka ábyrgð á þeirri stefnu sem þið beinduð umræðunni í”

Þau ætla ekkert að svara fyrir þetta, það er kýrskýrt. Þóra að senda sínum eigin dætrum þau skilaboð að ógeðismenn eigi rétt á að vera fyrirgefið jafnvel þó þeir hafi aldrei beðist afsökunar.

— Oskarsteinn Gestsson (@OskarsteinnG) November 4, 2021

Getið ekki beðið þetta endalaust af ykkur, þið skuldið þolendum svör! Við munum ekki gleyma þessu!

— Agnes Bàra (@bara_agnes) November 4, 2021

@ruvkveikur JÆJA þið eruð búin að hafa þetta gaman á kostnað þolenda, getiði drullast til að þrífa upp skítinn eftir ykkur núna!!!!

— Agnes Sara (@agnessara) November 5, 2021

Ef @ruvkveikur fer ekki að ávarpa það að hafa skitið á sig með þessum þætti er ljóst að þau missa allan trúverðugleika sem fréttaskýringarþáttur. Þau eru ábyrg fyrir holskeflu af gerendameðvirkni, bakslagi í #metoo og tonni af áfallastreitueinkennum hjá þolendum #geriðbetur

— Sindri Geir (@sindrigeir) November 4, 2021

Mér alveg sama hvað ykkur finnst❤️😫😳😭😢👎👍💪en Ég er kominn með 0%þol fyrir gerendum , @ruvkveikur gerði það útslag😭😭😭😭

— olofanna (@olofanna2) November 4, 2021

Hvenær ætlið þið að svara fyrir þetta? Það eina sem ég sé er orðræðuna verða ljótari og ljótari í kommentum gegn þolendum á miðlunum ykkar. @ThoraArnors @RUVohf @ruvkveikur @StefanEiriks pic.twitter.com/tXMNy9byoI

— Ásta Marteins (@astamarteins1) November 4, 2021

Negla! @kveikur þið fóruð illa að ráði ykkar. Gerendameðvirknin er víða. Lengið í kveiknum og gerið þetta með sæmd.

— Ingibjörg E Sveinsd (@Ingaerna) November 4, 2021

@RUVohf @ruvkveikur þið getið komið í veg fyrir áframhaldandi ofbeldi gegn þolendum. Þið þurfið bara að ákveða að gera það. Ætlið þið að taka ábyrgð á þeirri stefnu sem þið beinduð umræðunni í? https://t.co/eQoUrrXXyK

— Ásta Marteins (@astamarteins1) November 4, 2021

Hversu ogeðslega veikt er það að @stod2 bjóði upp á atvinnuviðtöl fyrir svona menn 🤦🏼‍♀️#kveikur

— Elísabet Björgvingsdóttir (@betabjorgvins) November 4, 2021