Molly Sandén er nú frægasti Húsvíkingurinn, en hún fékk í gærkvöldi sæmd heiðursborgaratitli Húsavíkur. Hannes Heimisson, sendiherra Íslands í Svíþjóð, afhenti Sandén nafnbótina í þættinum Hellenius hörna á stöðinni TV4.
Molly Sandén, eins og alþjóð veit, samdi lagið Húsavík (My Hometown) fyrir kvikmyndina Eurovision Song Context: The Story of Fire Saga. Hlaut Sandén tilnefningu til óskarsverðlauna fyrir lagið, en hún tók þó ekki styttuna með sér heim það kvöldið.
Óhætt er að segja að myndin, lagið og tilnefningin hafi hin besta landkynning, og ein allar besta kynning á Húsavík sem bærinn hefur fengið. Þótti bænum því við hæfi að verðlauna Molly með áðurnefndri heiðursborgaranafnbót.
Segir í færslu Utanríkisráðuneytisins í gærkvöldi að um 1 til 1,4 milljónir Svía fylgist með ættinum á hverju sunnudagskvöldi. Meðal gesta þáttarins í gær, auk Hannesar og Molly var Stefan Löfven, sem lætur af embætti sem forsætisráðherra Svíþjóðar í þessari viku.
Myndband af afhendingunni má sjá hér að neðan.
