35 ár voru í gær liðin frá leiðtogafundi þeirra Reagans Bandaríkjaforseta og Gorbachev aðalritara kommúnistaflokks Sovétríkjanna sem haldinn var í Höfða í Reykjavík.

Fundurinn var í fyrstu talinn hafa mislukkast en afstaða sagnfræðinga gagnvart fundinum hefur þó linast verulega með árunum og í dag er hann talinn hafa lagt grunninn að samningum Sovétmanna og Bandaríkjanna sem síðar komu og byggt upp

Miklu var kostað til af Íslendingum við fundahöldin en tveir staðir komu til greina. Hótel Saga í Vesturbænum og Höfði við Borgartún. Fundur Georges Pompidou og Richards Nixon 1973 var til dæmis haldinn á Hótel Sögu. Davíð Oddsson hafði reyndar orð á því síðar að sá fundur hafi mislukkast sérstaklega illa, því Pompidou hafi farið heim af fundinum og dáið og Nixon sagt af sér.

Sendiráð Bandaríkjanna á Íslandi vakti athygli á þessu tímamótum á Facebook í gær og birti með myndband af ræðu Reagans sem hann flutti fyrir fullum sal af bandarískum hermönnum á herstöðinni í Keflavík. Ræðan var flutt að fundi hans og Gorbachev loknum, og fer hann meðal annars yfir niðurstöður fundarins í ræðunni.

Myndbandið má sjá hér að neðan og færslu bandaríska sendiráðsins neðst í fréttinni.