Rútuslys varð á Suðurlandi um klukkan hálf ellefu í morgun á Þjóðvegi 1 skammt frá Dyrhólaey. Átta manns eru um borð í rútunni og eru einhverjir slasaðri samkvæmt tilkynningu frá Landsbjörg.
Hópslysaáætlun hefur verið virkjuð og eru viðbragðsaðilar á leiðinni á vettvang. Aðgerðarstjórn fyrir Suðurland og samhæfingastöð í Skógarhlíð hafa verið virkjaðar.
Uppfært 11:20
Samkvæmt tilkynningu frá lögreglunni á Suðurlandi er um að ræða smárútu sem valt út af vegi við Mýrdal. Þrír eru slasaðir en svo virðist sem enginn sé alvarlega meiddur. Allir úr rútunni verða fluttir undir læknishendur í öryggisskyni en björgunaraðgerðir standa enn yfir.
