Guðlaug Ragna Magnúsdóttir var bráðkvödd á heimili sínu á Akureyri aðfaranótt þann 17. ágúst síðastliðinn. Guðlaug var 32 ára gömul þegar hún lést og lætur hún eftir sig sambýlismann og 2 börn, 8 og 14 ára. Guðlaug var jarðsett í gær frá Akureyrarkirkju.

Skömmu eftir andlát Guðlaugar var ákveðið að hefja söfnun fyrir barnsföður Guðlaugar og börn hennar svo þau fjárhagsáhyggjur bætist ekki við erfiða tíma.

„Það er nóg að glíma við sorgina og missinn svo ekki bætist við fjárhagsáhyggjur fyrir litlu fjölskylduna. Við höfum því ákveðið að hefja söfnun fyrir barnsföður og börn hennar til að reyna að létta undir fyrir þau. Margt smátt gerir eitt stórt,“ sagði Alma Axfjörð, tengdamóðir Guðlaugar, í samtali við DV þegar söfnunin var að fara af stað.

Alma Axfjörð hafði samband við DV í dag og vildi koma á framfæri innilegu þakklæti, velvilja og umhyggju sem fjölskyldunni hefur verið sýnd vegna fráfalls Guðlaugar. „Mig langar að þakka öllum þeim einstaklingum og fyrirtækjum, sem hafa lagt söfnunni lið,“ segir Alma og bendir á að söfnunin er enn opin.

„Skarðið er stórt og höggið mikið. Erfiðir tímar eru framundan fyrir alla ástvini Guðlaugar,“ sagði Alma í samtali við DV þegar fyrst var greint frá andláti hennar og söfnuninni. Þá lýsti Alma tengdadóttur sinni sem fallegri manneskju, að innan sem utan. „Hún elskaði börnin sín meir en allt og var listræn og bar heimilið merki þess.“

Hér fyrir neðan má sjá bankaupplýsingarnar fyrir söfnunina:

Söfnunarreikningurinn er á nafni barnsföður Guðlaugar.

Reikningsnúmer: 0370-22-016829

Kennitala: 310188-2559