Upplýsingafundur vegna kórónuveirufaraldursins verður haldinn á morgun, þriðjudag, kl. 11.
Á fundinum fara Kamilla S. Jósefsdóttir, staðgengill sóttvarnalæknis, Alma D. Möller landlæknir og Víðir Reynisson yfirlögregluþjónn almannavarna yfir stöðu mála varðandi framgang COVID-19 faraldursins hér á landi síðustu daga og vikur.
Mikill fjöldi Covid-smita hefur greinst undanfarið og meirihluti smitaðra eru fullbólusettir. Sem betur fer hafa alvarleg veikindi vegna smitanna verið fátíð, hvað sem síðar verður. Núna hafa sóttvarnatakmarkanir tekið gildi að nýju og forvitnilegt verður að heyra hvernig fulltrúar almannavarna meta stöðuna framundan.
Næsti fundur verður á fimmtudaginn og því ljóst að nú á að funda oftar með þjóðinni um stöðuna í faraldrinum.
