Scott Estill varð viðskila við eiginkonu sína, Becky Estill, við gosstöðvarnar í Geldingadölum á föstudaginn síðastliðinn. Seinasta myndin sem Becky birti á Facebook-síðu sinni fyrir hvarfið var ansi lýsandi fyrir komandi viðburði. Hringbraut greindi fyrst frá.
Á myndinni má sjá skilti sem stendur á „Þú ert á eigin ábyrgð“ og síðan ensk þýðing fyrir neðan. Við myndina skrifar Becky „FYI“ sem er skammstöfun fyrir „For your information“.
Maðurinn fannst fjóra kílómetra norðvestur af gosstöðvum en hann hafði gengið í þveröfuga átt. Björgunarsveitir höfðu leitað að honum í sólarhring þegar hann fannst loksins en þó svo að maðurinn hafi verið á eigin ábyrgð þá hlýtur hann að vera ansi þakklátur fyrir gott starf björgunarsveita.
