Búið er að kalla út allar björgunarsveitir á Suðurnesjum auk leitar- og sporhunda af fleiri svæðum auk allra björgunarsveita á höfuðborgarsvæðinu vegna leitar að einstaklingi sem er saknað við gosstöðvarnar á Reykjanesi.
Sá varð viðskila við samferðamann um miðjan dag og þegar hraðleit á svæðinu skilaði ekki árangri var aukið við viðbragðið.
Þetta kemur fram í tilkynningu frá Landsbjörg.
