Borið hafa verið kennsl á líkamsleifar sem fundust 1. apríl síðastliðinn í fjörunni á Vopnafirði. Niðurstaða DNA greiningar að sá látni er Axel Jósefsson Zarioh, sem fæddist árið 2001. Þetta kemur fram í tilkynningu frá lögreglu.
Líkamsleifarnar á Vopnafirði höfðu rekið á land. En um er að ræða líkamsleifar skipverja er féll 18. maí í fyrra fyrir borð af fiskiskipinu Erling KE-140 er það var á leið til hafnar í Vopnafirði.
Líkamsleifarnar voru sendar til réttarlæknisfræðilegrar rannsóknar á Landspítala og til DNA greiningar í Svíþjóð.
