Fjögur kórónaveirusmit voru staðferst í gær. Þrír greindust smitaðir í landamæraskimun á Keflavíkurflugvelli og einn á veirufræðideildinni á Landspítalanum. RÚV greinir frá.
Mjög mikið var skimað í gær en 1.310 sýni voru tekin í landamæraskimuninni. Núna er vitað um 11 virk smit á landinu. Alls eru 434 í sóttkví en enginn liggur á sjúkrahúsi vegna COVID-19.
Almannavarnir halda blaðamannafund um stöðuna í kórónaveirufaraldrinum kl. 14 í dag og verður greint frá efni hans hér á dv.is jafnóðum.
