fbpx
Mánudagur 06.júlí 2020
Fréttir

Unglingsstúlkur á Suðurnesjum fluttar meðvitundarlausar á sjúkrahús – Morfín og kannabis í hlaupböngsum

Ágúst Borgþór Sverrisson
Sunnudaginn 24. maí 2020 11:16

Ekki missa af Helstu tíðindum dagsins í pósthólfið þitt

Lesa nánar

Svo virðist sem í umferð sé sælgæti,  hlaupbangsar, sem innihaldi hættuleg fíkniefni. Lögreglustjórinn á Suðurnesjum greinir frá því að tvær unglingsstúlkur, 13 og 14 ára, hafi verið fluttar meðvitundarlausar á sjúkrahús og við sýnatöku kom í ljós að þær höfðu innbyrt kannabisefni og morfín.

Báðum stúlkum hafði verið boðið hlaupsælgæti sem innihélt fíkniefni. Stúlkurnar voru ekki meðvitaðar um að sælgætið innihéldi fíkniefni. Lögregla hefur yfirheyrt þann sem bauð stúlkunum hlaupið.

Fréttatilkynning lögreglunnar vegna málsins er eftirfarandi orðrétt:

„Ábending til foreldra varðandi hlaupbangsa (Gummy bears) sem innihalda kannabis og hugsanlega fleiri efni.

Um helgina komu upp 2 mál hjá okkur þar sem 13 og 14 ára stúlkur voru fluttar meðvitundarlausar á sjúkrahús. Talið var í fyrstu að um veikindi væri að ræða en við sýnatöku kom í ljós að þær höfðu innbyrt kannabisefni og morfín. Rannsókn leiddi til þess að stúlkurnar voru á sama stað fyrr um kvöldið og var þeim báðum boðið að fá sér hlaup. Ómeðvitaðar hvað væri í hlaupinu þá fengu þær sér og enduðu þær báðar á sjúkrahúsi. Málin bárust til okkar og rannsókn leiddi í ljós að stúlkurnar höfðu fengið þetta hjá ungum aðila sem hafði sjálfur keypt þetta af sér eldri manni. Sjálfsagt er um að ræða forvitni hjá unga fólkinu. Foreldrar þessara krakka spurðu okkur ítrekað hvar fá börnin þessi efni?

Aðgengi að fíkniefnum er afar auðvelt og fyrir þann sem hefur verið bent á hvernig þetta er gert þá tekur það ekki nema nokkrar mínútur að verða sér úti um efni. Við fórum og ræddum við þann sem lét stúlkurnar hafa hlaupið og var hann yfirheyrður varðandi málið. Foreldrar þessara krakka ásamt barnavernd eru nú að vinna í því í sameiningu að aðstoða börn sín varðandi þessa reynslu og unga manninum sem varð sér úti um þetta var brugðið er hann sat fyrir framan rannsóknarlögreglumann og áttaði hann sig á alvarleika málsins.

Við viljum brýna fyrir foreldrum að ræða þetta við börnin ykkar og fræða þau um þessar hættur sem eru þarna úti. Sá sem þetta ritar gerði sér ferð á veraldarvefinn og eftir stutta stund þar þá er gríðarlega auðvelt að búa til þetta hlaup og hægt er að steypa það í hvaða form sem er, hvort sem það eru hlaupbangsar eða hvað sem er. Verra er þó að í þetta er hægt að setja hvað sem er, eins og í því tilfelli sem er nefnt hér að ofan þá var einnig að finna morfín í þeim sýnum sem tekin voru úr stúlkunum. Í þetta er til dæmis hægt að setja allskyns sterk lyf eins og Contalgin eða Oxycontin og þá þarf ekki að spyrja að leikslokum ef 13 ára gamalt barn innbyrði slíkt hlaup.

Endilega ræðið þetta við börnin ykkar og takið spjallið.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 2 dögum

Drap kanínu sex ára drengs fyrir framan hann í Kópavogi

Drap kanínu sex ára drengs fyrir framan hann í Kópavogi
Fréttir
Fyrir 2 dögum

Maður á sjötugsaldri í áframhaldandi gæsluvarðhald vegna brunans

Maður á sjötugsaldri í áframhaldandi gæsluvarðhald vegna brunans
Fréttir
Fyrir 2 dögum

Erlent verkafólk þurfti að tjalda í stofunni – ein fékk inni hjá Stígamótum

Erlent verkafólk þurfti að tjalda í stofunni – ein fékk inni hjá Stígamótum
Fréttir
Fyrir 2 dögum

Ógeðslegt einelti fyrir norðan – Fjölskyldan skilar skömminni til gerandans

Ógeðslegt einelti fyrir norðan – Fjölskyldan skilar skömminni til gerandans
Fréttir
Fyrir 3 dögum

Ofsaakstur á fjórhjólum og vespum í Kópavogi – „Það gæti orðið banaslys“

Ofsaakstur á fjórhjólum og vespum í Kópavogi – „Það gæti orðið banaslys“
Fréttir
Fyrir 3 dögum

Deildi myndbandi af utanvegaakstri og gefur lítið fyrir gagnrýni – „Hættu að vera Karen“

Deildi myndbandi af utanvegaakstri og gefur lítið fyrir gagnrýni – „Hættu að vera Karen“
Fréttir
Fyrir 3 dögum

Gleðifréttir af Bíó Paradís

Gleðifréttir af Bíó Paradís
Fréttir
Fyrir 3 dögum

Íslensk stúlka sem aldrei hefur neytt vímuefna grunuð um fíkniefnamisferli og boðuð í yfirheyrslu

Íslensk stúlka sem aldrei hefur neytt vímuefna grunuð um fíkniefnamisferli og boðuð í yfirheyrslu