Forseti Íslands, Guðni Th. Jóhannesson, er kominn í sóttkví. Þetta kemur fram í fréttatilkynningu sem skrifstofa forsetans hefur sent á fjölmiðla.
Verður hann í sóttkví til mánudagsins 9. nóvember vegna veirusmits sem greinst hefur hjá starfsmanni á Bessastöðum. Starfsmaðurinn er nær einkennalaus og Guðni sjálfur hefur engin einkenni COVID-19 veirusjúkdómsins. Aðrir í fjölskyldu forseta þurfa ekki að vera í sóttkví, að því er fram kemur í tilkynningunni.
