Lögmaðurinn Sveinn Andri Sveinsson hafði betur í máli gegn Skúla Gunnari Sigfússyni, oftast kenndum við Subway, í Hæstarétti í dag. mbl.is greindi fyrst frá þessu. Málið varðaði þrotabú EK1923, þar sem að Sveinn Andri var skiptastjóri.
Sveinn og Skúli eru alls engir perluvinir, en þeir hafa lengi eldað grátt silfur. Í fyrra hélt Skúli því fram að Sveinn væri siðlaus og að hann væri „endaþarmur íslenskrar lögmennsku“, vegna þess hvernig hann tók á máli EK1923. Sveinn Andri svaraði um hæl og sagði endaþarminn sinna mikilvægu hlutverki, einhver þurfi að sjá um skítverkin.
„Það er vissulega skítadjobb að vera endaþarmur, enda fær hann yfir sig skít og drullu alla daga, en hlutverk hans í velferð mannsins verður seint ofmetið.“
Sjá einnig: Skúli í Subway segir Svein Andra siðlausan – „Endaþarmur íslenskrar lögmennsku“
Í samtali við mbl.is sagði Sveinn að málinu væri nú lokið. „Þetta er lokahnykkurinn.“