Á hjúkrunarheimilinu Sólvöllum á Eyrarbakka hafa 13 af 19 íbúum greinst með kórónaveirusmit. Allir umræddir íbúar eru eldri borgarar. Auk þess hafa 4 starfsmenn hjúkrunarheimilisins greinst með veiruna. Þetta staðfestir Jóhanna Harðardóttir, hjúkrunarfræðingur, í samtali við DV.
Í gær greindi Mbl frá því að smit væri komið upp á Sólvöllum, en þá voru smitin tvö. Þá kom fram að einstaklingur hefði farið í skimun í kjölfar smitsins á Landakoti, sem hefur orðið til þess að neyðarstig er nú á Landspítala.
Þá greindi RÚV frá því í dag að 11 íbúar heimilsins væru smitaðir.
