Fjölmiðlar hérlendis hafa í dag greint frá andláti 11 ára drengs í Garðabænum.

RÚV greinir frá andlátinu. Þar er sagt að drengurinn hafi látist af völdum skotsárs í heimahúsi á þriðjudaginn. Samkvæmt upplýsingum RÚV þá var lögregla kölluð að húsinu þar sem drengurinn fannst látinn. Mannlíf greindi fyrst frá málinu í morgun.

„Málið er í rannsókn, ég tjái mig ekki frekar,“ sagði Margeir Sveinsson, aðstoðaryfirlögregluþjónn hjá miðlægri rannsóknardeild, í samtali við DV um málið.

Lögreglan hefur nú sent út tilkynningu vegna málsins. „Vegna um­fjöll­un­ar í fjöl­miðlum um and­lát barns í Garðabæ á þriðju­dag þá vill Lög­regl­an á höfuðborgar­svæðinu koma því á fram­færi að um er að ræða mik­inn harm­leik, en ekk­ert bend­ir til þess að nokkuð sak­næmt hafi átt sér stað,“ segir í tilkynningunni. „Lögregl­an mun ekki veita frek­ari upp­lýs­ing­ar um málið og biður jafn­framt fjöl­miðla um að veita aðstand­end­um svig­rúm til að syrgja á þess­um erfiðum tím­um.“